Fréttatilkynning frá Háskólanum í Reykjavík, HR.
HR stofan heldur áfram í dag þar sem Háskólinn í Reykjavík hitar upp fyrir HM í handbolta með íþróttasérfræðingum jafnt innan íþróttadeildar háskólans sem utan. Fjórði leikur Íslands fer fram í kvöld og sá fyrsti í milliriðli mótsins. Í þessum þætti verður farið yfir frammistöðu liðsins hingað til og spáð í spilin með framhaldið.
Í HR stofunni fer Dr. Peter O‘Donoghue, prófessor við íþróttafræðideild HR, yfir spálíkan sem hann hefur gert fyrir mótið. Hann segir að sigur Íslands á Slóvenum hafi aukið líkurnar á að Ísland komist í fjórðungsúrslit um 66%. Peter er þekktur víða fyrir vinnu sína, rannsóknir og kennslu á sviði frammistöðugreininga í íþróttum (e. sport perform) og vann m.a. að frammistöðugreininum hjá enska knattspyrnusambandinu.
Þá munu þeir Patrekur Jóhannesson, fyrrverandi landsliðsmaður í handbolta, og Arnar Pétursson, þjálfari landsliðs kvenna í handbolta, ræða við Kristján Halldórsson, kennara við íþróttafræðideild HR, um spána frá Peter, íslenska landsliðið, leikmennina og liðin sem Ísland mætir á mótinu.
Peter gerði spálíkan fyrir EM í handbolta sem fram fór í Þýskalandi fyrra og spáði því að líklegast myndi Ísland enda í sjöunda til tólfta sæti. Svo fór að liðið lenti í 10. sæti og verður því spennandi að sjá hvort Peter reynist eins sannspár nú og þá.
Bein útsending í dag hefst klukkan 14:00 en opnað verður fyrir útsendinguna kl. 13:45 með niðurtalningu.
