Ýmir Örn Gíslason, landsliðsmaður í handknattleik og leikmaður Göppingen. Ljósmynd/Hafliði Breiðfjörð
- Auglýsing -
David Móré skoraði sigurmark Rhein-Neckar Löwen, 29:28, á síðustu sekúndu gegn Ými Erni Gíslasyni og liðsfélögum í Göppingen í þýsku 1. deildinni í handknattleik í gærkvöld. Ýmir Örn lék mest í vörninni í leiknum og skoraði ekki mark í sókninni. Göppingen situr í 14. sæti af 18 liðum deildarinnar með 12 stig. Löwen er í 7. sæti með 13 stigum fleira.
Elín Jóna Þorsteinsdóttir varði þrjú skot af 11 þann tíma sem hún var í marki Aarhus Håndbold í 13 marka tapi liðsins í gærkvöld, 36:23, í dönsku úrvalsdeildinni í handknattleik. Eftir góðan sigur á Viborg þá var stór tap í Silkeborg í gær fremur óvænt. Aarhus situr í 9. sæti af 14 í dönsku úrvalsdeildinni með 12 stig eftir 20 umferðir. Sex umferðir eru eftir. Silkeborg er tveimur stigum fyrir ofan Aarhus Håndbold í áttunda sæti.
Fredrikstad, sem Elías Már Halldórsson þjálfar, vann stórsigur á Oppsal á útivelli í norsku úrvalsdeildinni í kvennaflokki í gærkvöld, 32:23. Fredrikstad Bkl situr í 9. sæti með 14 stig.
Storhamar endurheimti efsta sæti norsku úrvalsdeildarinnar í kvennaflokki í gær þegar liðið vann Larvik, 29:23, á útivelli. Storhamar er nú tveimur stigum á undan Larvik. Axel Stefánsson er í þjálfarateymi Storhamar.
