Fréttatilkynning frá Handknattleikssambandi Íslands
68. ársþing Handknattleikssambands Íslands verður haldið laugardaginn 5. apríl 2025 á Grand Hótel, nánar tiltekið Háteig.
Skráning þingfulltrúa hefst kl.09:00 og verður þingsetning sama dag kl. 10:00.
Kjörbréf og upplýsingar um fjölda fulltrúa verða send út með seinni boðun þings.
Tilkynning um framboð til embættis stjórnar HSÍ skal berast skrifstofu HSÍ minnst 21 degi fyrir þing. Uppstillingarnefnd er þó heimilt að samþykkja framboð sem fram kemur síðar.
Málefni sem aðildarfélög eða sambandsaðilar óska eftir að tekin verði fyrir á þinginu skulu tilkynnt stjórn HSÍ minnst 21 degi fyrir þingið og skal stjórnin senda öllum aðildarfélögum og sambandsaðilum þau málefni eigi síðar en 7 dögum fyrir þingsetningu ásamt dagskrá þingsins.
Tengdar fréttir:
Jón Halldórsson sækist eftir formennsku HSÍ
Ásgeir gefur kost á sér til varaformennsku HSÍ
