- Auglýsing -

Alfreð kemur ekki að tómum kofanum!

Alfreð Gíslason landsliðsþjálfari Þýskalands. Mynd/EPA

Alfreð Gíslason, landsliðsþjálfari Þýskalands og sigursælasti þjálfari Íslands í handknattleik, sagði frá því í viðtali við Sunnudags Moggann í sumar, að hann væri kominn í fast samband með indælli konu, Hrund Gunnsteinsdóttir. Alfreð missti eiginkonu sína, Köru Guðrúnu Melstað, eftir erfið veikindi á heimili sínu í Wendgräben í Þýskalandi 31. maí 2021. 

Hrund er framkvæmdastjóri Festu; miðstöðvar um samfélagsábyrgð. Hún er með meistaragráðu í þróunarfræði frá London School of Economics.


Hrund lék handknattleik með Stjörnunni í Garðabæ á yngri árum og varð Íslandsmeistari. Hún er dóttir Gunnsteins Skúlasonar, sem varð bæði Íslandsmeistari með Val í handknattleik og knattspyrnu og fyrirliði hið sigursæla Valsliðs; „Mulningsvélarinnar“.

Gunnsteinn Skúlason, fyrirliði landsliðsins, skorar af línu á árum áður.


Gunnsteinn var einnig fyrirliði landsliðsins og var með fyrirliðabandið fyrir 50 árum á Ólympíuleikunum í München 1972. Móðir hennar er Sigrún Gunnarsdóttir, sem lék handknattleik og körfuknattleik með ÍR.


Alfreð kemur ekki að tómum kofanum í Garðabæ, er hann heimsækir Gunnstein og Sigrúnu, þar er svo sannarlega hægt að ræða um handknattleik. Skúli, sonur þeirra varð Íslandsmeistari með Stjörnunni, sem fyrirliði og það var einnig Guðný dóttir þeirra. Þau léku bæði á línunni, eins og Gunnsteinn, sem var línu og hornamaður.

Gunnsteinn lék 57 landsleiki á árunum 1970-1975. Skúli lék 17 landsleiki á árunum 1987-1991 og Guðný, sem var lengi fyrirliði landsliðsins, lék 82 landsleiki á árunum 1986-1996.


Þegar Alfreð var að stíga sín fyrstu skref með landsliðinu og Essen, var Gunnsteinn aðstoðarþjálfari Hilmars Björnssonar á B-keppninni í Hollandi 1983, en árangur þar átti síðan eftir að tryggja Íslandi sæti á Ólympíuleikunum í Los Angeles 1984.


Dætur fyrirliðanna í „Mulningsvélinni“, Hrund Gunnsteinsdóttir, Skúlasonar, og Kristín Ólafsdóttir, H. Jónssonar, hafa unnið saman eins og feður þeirra.


Þá má geta þess til gamans að Hrund vann um árabil að mynd hennar og Kristínar Ólafsdóttur, eiginkonu Björgólfs Thor Björgólfssonar, InnSæi, sem var sýnd um allan heim og hefur vakið mikla athygli.

Kristín er einnig dóttir fyrrverandi landsliðsfyrirliða í handknattleik; Ólafs H. Jónssonar, Val. Gunnsteinn tók við fyrirliðabandinu af Ólafi á sínum tíma.

- Auglýsing -
- Auglýsing -

Nýjustu fréttir

- Auglýsing -