Annað tap Suður Kóreubúa í Kraká

Landslið Suður Kóreu, sem verður með íslenska landsliðinu í riðli á HM karla í handknattleik karla næsta mánuði, tapaði í dag fyrir landsliði Túnis í þriðju og síðustu umferð alþjóðlegs handknattleiksmóts í Kraká í Póllandi í dag, 35:32.

Suður Kóreumenn unnu einn leik á mótinu, á landsliði Brasilíu, en töpuðu fyrir Pólverjum í gær auk leiksins við Túnisbúa í dag.

Staðan var jöfn að loknum fyrri hálfleik Túnis og Suður Kóreu í dag, 16:16.

Túnisbúar unnu mótið. Þeir fóru með sigur úr býtum í öllum leikjunum þremur. Pólverjar, sem lögðu Brasilíumenn í kvöld, 31:23, höfnuðu í öðru sæti. Brasilíumenn töpuðu öllum viðureignum sínum.

Íslenska landsliðið mætir Suður Kóreumönnum í síðustu umferð D-riðils mánudaginn 16. janúar í Kristianstad.