Aron Pálmarsson fyrirliði hefur dregið sig út úr landsliðinu sem mætir Ísrael í næst síðustu umferð undankeppni Evrópumótsins í handknattleik í Tel Aviv á fimmtudaginn. Aron er meiddur og hefur lítið leikið með danska liðinu Aalborg Håndbold síðustu vikur af þeim sökum.
Vegna þess er ljóst að Aftureldingarmaðurinn Þorsteinn Leó Gunnarsson leikur sinn fyrsta A-landsleik á miðvikudaginn í Tel Aviv. Þorsteinn Leó var eini nýliðinn í landsliðshópnum sem valinn var.
Hefur unnið fyrir að fá tækifæri með landsliðinu
Sautján voru valdir
Ekki verður kallaður inn maður í hópinn í stað Arons. Landsliðsþjálfararnir Ágúst Þór Jóhannsson og Gunnar Magnússon völdu fyrir nokkru 17 leikmenn til þess að tefla fram í leikjunum tveimur, gegn Ísrael ytra og við Eistland á heimavelli á sunnudaginn.
Björgvin Páll og Donni eru í landsliðshópnum – einn nýliði
Mæta á svæðið í dag
Íslensku landsliðsmennirnir koma hver á fætur öðrum til Ísraels í dag. Flestir voru að leika með félagsliðum sínum í gær og í fyrradag. Þjálfararnir Ágúst Þór og Gunnar eru komnir á leiðarenda ásamt sjúkraþjálfara og liðsstjóra íslenska landsliðsins og þeim leikmönnum sem komu frá Íslandi.
Tvær æfingar
Æft verður tvisvar í Tel Aviv, á morgun og á miðvikudaginn, áður en að viðureigninni kemur á fimmtudag. Hún hefst klukkan 16 og mun handbolti.is ekki svíkjast undan að fylgjast með.
