- Auglýsing -
- Auglýsing -
- Auglýsing -

Átta marka tap fyrir Þjóðverjum í Merzig

Patrekur Jóhannesson annar þjálfara U18 ára landsliðsins ræðir við piltana. Mynd/HSÍ
- Auglýsing -

U18 ára landslið karla í handknattleik tapaði með átta marka mun fyrir Þýskalandi í dag, 26:18, í fyrri viðureign sinni á öðrum keppnisdegi Sparkassen Cup mótinu í Merzig í Þýskalandi.
Í kvöld mætir íslensku strákarnir belgíska landsliðinu í þriðja og síðasta leiknum í riðlakeppni mótsins. Í gær unnu strákarnir úrvalslið Saarlands, 31:21.


Íslenska liðið lenti snemma þremur til fjórum mörkum undir gegn Þýskalandi. Fjögurra marka munur var að loknum fyrri hálfleik. Ekki tókst að fylgja eftir góðri byrjun í síðari hálfleik þegar á leið. Kom þar ekki síst til að urmull dauðafæra gekk íslensku piltunum úr greipum. Því miður þá réðu Þjóðverjar lögum og lofum síðustu 10 mínúturnar og unnu öruggan sigur.

Mörk Íslands: Ágúst Guðmundsson 6, Jens Bragi Bergþórsson 5, Stefán Magni Hjartarson 2, Dagur Árni Heimisson 2, Harri Halldórsson 1, Hugi Elmarsson 1, Marel Baldvinsson 1.

Óskar Þórarinsson varði skot 5 skot og Jens Sigurðarson varði 4 skot.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -