Kristianstad HK, sem mætir Val í 32-liða úrslitum Evrópubikarkeppni kvenna í handknattleik, í næsta mánuði, er í erfiðri stöðu eftir átta marka tap fyrir Önnereds, 38:30, í fyrri viðureign liðanna í átta liða úrslitum sænsku bikarkeppninnar í gær. Jóhann Margrét Sigurðardóttir landsliðskona stóð fyrir sínu hjá Kristianstad HK þrátt fyrir allt. Hún skoraði sex mörk og var markahæst ásamt Frøydis Wiik Seierstad.
Berta Rut Harðardóttir skoraði ekki marki fyrir Kristianstad HK að þessu sinni.
Staðan var jöfn að loknum fyrri hálfleik, 17:17. Í síðari hálfleik tók Gautaborgarliðið öll völd á vellinum og skoraði m.a. 21 mark.
Síðari viðureignin fer fram í Kristianstad á mánudaginn. Samanlögð úrslit leikjanna tveggja ræður hvort þeirra tekur sæti í undanúrslitum.
