- Auglýsing -
- Auglýsing -
- Auglýsing -

Belgum var ekki hlíft – 19 marka sigur

Eftir sigur á Belgum í kvöld mætir íslensku piltarnir Slóvenum rétt fyrir hádegið á morgun. Mynd/HSÍ
- Auglýsing -

Eftir tap fyrir Þjóðverjum í fyrri viðureign dagsins á Sparkassen Cup í Merzig í dag þá mættu piltarnir í U18 ára landsliðinu eins og grenjandi ljón til leiks gegn Belgum í kvöld. Við því áttu Belgar ekkert svar og íslenska liðið vann stórsigur, 33:14, eftir að hafa verið 12 mörkum yfir að loknum fyrri hálfleik, 17:5.


Ísland hafnaði þar með í öðru sæti í riðlinum á eftir Þýskalandi og mætir landsliði Slóvena í krossspili í undanúrslitum klukkan 11.30 á morgun. Síðdegis verður leikið um sæti eftir því hvernig gengur gegn Slóvenum.

Ljóst var strax í upphafi viðureignarinnar við Belga að töluverður styrkleikamunur var á liðunum og skoruðu strákarnir okkar fjölmörg mörk úr hraðaupphlaupum í fyrri hálfleik. Aðeins dró úr hraðanum í síðari hálfleik enda sigurinn í höfn.

Mörk Íslands: Antoine Óskar Pantano 9, Daníel Montoro 8, Harri Halldórsson 4, Marel Baldvinsson 4, Dagur Leó Fannarsson 3, Garðar Ingi Sindrason 2, Nathan Doku Helgi Asare 1, Magnús Dagur Jónatansson 1, Jens Sigurðarson 1.

Óskar Þórarinsson og Jens Sigurðarson vörðu 7 skot hvor í leiknum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -