Tvö lið vinna sér sæti í undanúrslitum Poweradebikarsins í handknattleik kvenna (bikarkeppni HSÍ). Tvær viðureignir fara fram. Haukar sækja Víkinga heim í Safamýri og Fram og Valur eigast við í Úlfarsárdal. Valur er ríkjandi bikarmeistari eftir sigur á Fram í úrslitaleik í mars í fyrra. Ljóst er að annað hvort liðið fer ekki lengra að sinni.
Selfoss vann HK í gærkvöld í fyrsta leik átta liða úrslita, 36:27.
Á föstudag eigast Stjarnan og ÍBV við í síðasta leik átta liða úrslita. Leikurinn átti að fara fram í kvöld en var fyrst seinkað um sólarhring og aftur um sólarhring í dag og er nú á dagskrá á föstudaginn.
Leikir kvöldsins
Poweradebikar kvenna, 8-liða úrslit:
Safamýri: Víkingur – Haukar, kl. 19.30 – sýndur á vikingurtv.
Úlfarsárdalur: Fram – Valur, kl. 20 – sýndur á RÚV2.
