Handboltafólk situr ekki auðum höndum í kvöld. Undanúrslit Olísdeildar karla í handknattleik hefjast í Kaplakrika með viðureign FH og Fram auk þess sem undanúrslit umspils Olísdeildar kvenna heldur áfram. Leikmenn liðanna fjögurra sem eigast við, Stjarnan, HK, Afturelding og Víkingur, taka upp þráðinn frá því á sunnudaginn þegar fyrstu leikirnir voru háðir.
Allir leikir kvöldsins verða sendir út á Handboltapassanum auk þess sem viðureign FH og Fram verður í opinni dagskrá í sjónvarpi Símans. Stöðuuppfærslur verður að vanda að finna hjá HBStatz.
FH lagði HK í tveimur leikjum í átta liða úrslitum og sama gerði Fram í rimmu sinni við Hauka.
FH lagði Fram í báðum viðureignum liðanna í Olísdeild karla í vetur, 27:23 í Kaplakrika og 30:29 í Lamhagahöllinni í æsilega spennandi leik. Birkir Fannar Bragason markvörður FH reið baggamuninn með vaksklegri framgöngu síðustu mínúturnar. Báður viðureignir fóru fram fyrir áramót.
Stjarnan og Afturelding í kjörstöðu
Stjarnan vann Víking, 27:21, í fyrsta leik liðanna í undanúrslitum umspilsils Olísdeildar kvenna og getur tryggt sér sæti í úrslitaleikjum með öðrum sigri í Safamýri í kvöld. Vinni Víkingar á heimavelli í kvöld þarf oddaleik sem fram fer á laugardaginn til að skera úr um hvort liðið leikur til úrslita um sæti í Olísdeildinni á næstu leiktíð.
Afturelding hefur einnig einn vinning umfram HK í hinni viðureign undanúrslita eftir sigur, 23:20, í Kórnum á sunnudaginn.
Leikir kvöldsins
Olísdeild karla, undanúrslit, fyrsti leikur:
Kaplakriki: FH – Fram, kl. 19.30.
Umspil Olísdeild kvenna, undanúrslit, 2. umferð:
Safamýri: Víkingur – Stjarnan, (0:1), kl. 19.30.
Varmá: Afturelding – HK, (1:0), kl. 19.30.
Umspil Olís kvenna 2025: leikjadagskrá og úrslit
Olís karla: Leikjadagskrá, úrslitakeppni 2025
