Áfram verður haldið keppni á UMSK-móti karla í handknattleik í kvöld. Að þessu sinni mæta Gróttumenn til leiks á heimavelli sínum og taka móti Aftureldingu. Flautað verður til leiks klukkan 19.30 í Hertzhöllinni á Seltjarnarnesi.
Um er ræða fyrsta leik Gróttu í mótinu en Afturelding hefur þegar lagt að baki einn leik. Mosfellingar unnu HK í Kórnum á fimmtudaginn var, 28:22.
Lið Gróttu hefur tekið talsverðum breytingum frá síðasta keppnistímabili. Fyrir vikið verður sérlega áhugavert að sjá hvernig Róberti Gunnarssyni þjálfara gengur að hrista saman hópinn með nýjum andlitum.
Meðal nýrra leikmanna Aftureldingar eru tveir fyrrverandi liðsmenn Gróttu, Andri Þór Helgason og Birgir Steinn Jónsson.
Sjá einnig:
Í meðfylgjandi grein er hægt að sjá helstu félagaskipti sem átt hafa sér stað í vor og sumar.
