Vegna leiks FH og serbneska liðsins RK Partizan frá Belgrad í Evrópubikarkeppninni á næsta laugardag var ákveðið að færa fram viðureign FH og HK í Olísdeild karla í handknattleik. Þess vegna sækja HK-ingar liðsmenn FH heim í Kaplakrika í kvöld. Flautað verður til leiks klukkan 19.30.
Um er að ræða aðra viðureign í 6. umferð Olísdeildar karla. Fyrsti leikurinn fór fram í gærkvöld þegar Stjarnan sótti Valsmenn heim.
Viðureign FH og RK Partizan fer fram í Kaplakrika á laugardaginn klukkan 19.30. Nánar verður fjallað um hann þegar nær dregur.
FH er sem stendur í öðru sæti Olísdeildar með átta stig að loknum fimm viðureignum eins og Afturelding. Fjórum stigum á eftir Val sem leikið hefur einu sinni oftar. HK er í 10. sæti með þrjú stig eins og Fram.
Olísdeild karla:
Kaplakriki: FH – HK, kl. 19.30.
Staðan og næstu leikir í Olísdeildum.
Leikurinn verður í beinni útsendingu á sjónvarpsrásum Símans og einnig verður handbolti.is með textalýsingu úr Kaplakrika.
