Áfram verður haldið að leika í 18. umferð Olísdeildar karla í handknattleik en umferðin hófst í gær með tveimur viðureignum. Í kvöld fara afar mikilvægir leikir í neðri hluta Olísdeildar. Grótta og KA, sem eru í áttunda og níunda sæti deildarinnar, mætast í KA-heimilinu klukkan 18.30.
Klukkustund síðar leiða Selfoss og HK saman kappa sína í Sethöllinni á Selfossi. Selfoss er í neðsta sæti með sex stig. HK er þremur stigum ofar í 10. sæti.
Grótta vann KA, 27:24, í fyrri viðureign liðanna í deildinni á keppnistímabilinu sem fram fór í Hertzhöllinni á Seltjarnarnesi 21. október. Sama dag lagði Selfoss liðsmenn HK í Kórnum í Kópavogi, 23:20.
Einnig verður boðið upp á mikilvægan og spennandi leik í Grill 66-deild karla í kvöld þegar Fjölnir og Þór eigast við í Fjölnishöllinni. Flautað verður til leiks klukkan 19.30. Sigurliðið verður væntanlega áfram með augastað á öðru sæti deildarinnar sem veita mun þátttökurétt í Olísdeild karla næstu leiktíð.
Leikir kvöldsins
Olísdeild karla, 18. umferð:
KA-heimilið: KA – Grótta, kl. 18.30 – handboltapassinn.
Sethöllin: Selfoss – HK, kl. 19.30 – handboltapassinn.
Staðan og næstu leikir í Olísdeildum.
Grill 66-deild karla, 16. umferð:
Skógarsel: ÍR – Valur U, kl. 19.30 – handboltapassinn.
Fjölnishöll: Fjölnir – Þór, kl. 19.30 – handboltapassinn.
Safamýri: Víkingur U – Fram U, kl. 19.30 – handboltapassinn.
Staðan og næstu leikir í Grill 66-deildum.
