Einn leikur fer fram í Olísdeild karla í handknattleik í kvöld. Íslandsmeistarar Vals sækja Selfoss heim. Leiknum er flýtt vegna þátttöku Vals í 16-liða úrslitum Evrópudeildarinnar í næstu og þar næstu viku. Til stóð að viðureignin færi fram á milli leikja Vals í 16-liða úrslitum. Óskað var eftir að færa leikinn fram um nokkra daga og féllst Selfoss góðfúslega á þá ósk.
Valur er efstur í Olísdeildinni og hefur þegar tryggt sér deildarmeistaratitilinn. Selfoss er í 7. sæti deildarinnar en aðeins munar þremur stigum á FH í öðru sæti og Selfossi í sjöunda sæti, svo jöfn staðan. Hlekkur á stöðuna í Olísdeildinni er að finna hér fyrir neðan.
Einnig verður byrjað að leika til úrslita í Poweradebikarnum (bikarkeppni HSÍ) í yngri flokkunum í Laugardalshöll í kvöld. Verða knúin fram úrslit í tveimur flokkum.
Olísdeild karla:
Sethöllin: Selfoss – Valur, kl. 19.30 – sýndur á Selfosstv.
Staðan og næstu leikir í Olísdeild karla.
Poweradebikarkeppni yngri flokka
4. flokkur kvenna:
Laugardalshöll: KA/Þór – Valur, kl. 18.
4. flokkur karla eldri:
Laugardalshöll: ÍR – Haukar, kl. 20.
Leikjunum verður streymt á miðlum HSÍ, s.s. youtube.
