Einar Bragi Aðalsteinsson, hinn nýbakaði landsliðsmaður í handknattleik úr FH, hefur samið við sænska úrvalsdeildarliðið IFK Kristianstad og gengur til liðs við félagið í sumar. Frá þessu greinir Kristianstad í morgun í tilkynningu.
Einar Bragi gekk til liðs við FH fyrir tveimur árum frá HK hvar hann lék upp yngri flokka og sló í gegn sem leikmaður meistarafloksliðs félagsins í Olísdeildinni 2021/2022. Einar Bragi er einn traustasti leikmaður deildarmeistara FH sem leika til úrslita um Íslandsmeistaratitilinn við Aftureldingu eða Val.
Um leið og Einar Bragi gengur til liðs við IFK Kristianstad fetar hann m.a. í fótspor Ólafs Andrésar Guðmundssonar, Arnars Freyrs Arnarssonar og Teits Arnar Einarssonar sem gerðu það gott með liði félagsins.
IFK Kristianstad var sænskur meistari fyrir ári og þá í fyrsta sinn í fimm ár en alls hefur lið félagsins níu sinnum unnið sænska meistaratitilinn í karlaflokki.
Í vetur hafnaði í IFK Kristianstad í fjórða sænsku úrvalsdeildarinnar og stendur um þessar mundir höllum fæti í rimmu við Sävehof í undanúrslitum úrslitakeppninnar.
Sjá einnig:
Fetaði í fótspor föður síns – mikill heiður að fá fyrsta tækifærið
Einar Bragi leikur sinn fyrsta landsleik – hópur kvöldsins er klár
