Ekkert verður af því að hið vinsæla handknattleiksmót barna og unglinga, Partille Cup, fari fram í sumar eins og vonir stóðu til. Er þetta annað árið í röð sem mótið er slegið af.
Forráðamenn mótsins gerðu sér vonir um að hægt yrði að halda mótið í sumar, frá 5. til 10. júlí. Eftir að hert var á aðgerðum í baráttunni við kórónuveiruna í Svíþjóð er ljóst að ekki er raunhæft að gera minnstu tilraun til að halda mótið, eða halda lengur í þá von að mótið fari fram. Af fenginni reynslu segja stjórnendur mótsins að ekki verði á vísan róið þegar kemur fram í júlí.
Partille Cup hefur árum saman verið fjölsóttasta handknattleiksmót þeirra yngri og verið vinsælt meðal íslenskra ungmenna. Alls tók 24.000 keppendur frá 50 löndum þátt í mótinu síðast þegar það fór fram sumarið 2019.
