- Auglýsing -
Landsliðskonan Elín Klara Þorkelsdóttir og liðsfélagar hennar hjá IK Sävehof tryggðu sér í dag sæti í undanúrslitum um sænska meistaratitilinn með því að leggja Skuru IK örugglega að velli, 35:29, í þriðja leik liðanna í átta liða úrslitum.
Sävehof vann þar með einvígið 3:0 og sópaði Skuru í snemmbúið sumarfrí. Sävehof varð deildarmeistari og Skuru hafnaði í áttunda sæti sænsku úrvalsdeildarinnar og getumunurinn því töluverður.
Elín Klara lét vel að sér kveða eins og hennar er von og vísa og skoraði sex mörk. Var hún næstmarkahæst í leiknum.
Í undanúrslitum mætir Sävehof annað hvort liði Boden Handboll IF eða Höörs HK H 65. Staðan í því einvígi er 2:1 fyrir Höörs og mætast liðin í fjórða leik í Boden á sunnudag.
- Auglýsing -
