Elísabet kemur inn í þjálfarateymi Stjörnunnar

Elísabet Gunnarsdóttir hefur verið ráðin aðstoðarþjálfari meistaraflokks kvenna og starfar við hlið Sigurgeirs (Sissa) Jónssonar sem tekur við þjálfun kvennaliðsins af Hrannari Guðmundssyni.

Elísabet er þrautreynd handknattleikskona sem hefur leikið í nærri tvo áratugi í meistaraflokki með Stjörnunni og Fram auk þess að klæðast landsliðstreyjunni í 64 skipti. Á ferlinum hefur Elíasbet unnið bæði Íslands- og bikarmeistaratitilinn og verið ein sterkasta línukona landsins.

Samhliða starfi sínu hjá meistaraflokki ætlar Elísabet að þjálfa 3. og 7. flokk kvenna hjá Stjörnunni.

Ekki fylgir sögunni í tilkynningu Stjörnunnar hvort Elísabet ætli sér áfram að leika með Stjörnunni eða að hún snúa sér alfarið að þjálfun.