- Auglýsing -
- Auglýsing -
- Auglýsing -

Færeyskur markvörður til Íslands- og bikarmeistaranna

Silja Arngrímsdóttir Müller markvörður kemur til Vals frá Neistanum í Þórshöfn.
- Auglýsing -

Silja Arngrímsdóttir Müller, færeyskur markvörður, hefur skrifað undir tveggja ára samning við handknattleiksdeild Vals. Silja, sem stendur á tvítugu, kemur til Íslands- og bikarmeistaranna frá Neistanum í Þórshöfn. Faðir Silju er Íslendingur.

Silja þykir efnilegur markvörður og hefur m.a. leikið 26 leiki með yngri landsliðum Færeyja og 3 leiki með A-landsliðinu. Það verður spennandi sjá hvernig henni vegnar með Valsliðinu á komandi leiktíð en hún mun verða Hafdísi Renötudóttur landsliðsmarkverði til halds og trausts. Eins og kom fram á dögunum gekk Sara Sif Helgadóttir, markvörður, til liðs við Hauka.

„Ég hlakka til að kynnast og vinna með Silju. Það er ekki nokkur vafi á að hún á framtíðina fyrir sér en við þurfum að gefa henni tíma til að komast inn í okkar umhverfi,“ er haft eftir Hlyni Morthens markvarðaþjálfari Vals í tilkynningu.

Konur – helstu félagaskipti 2024

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -