- Auglýsing -
- Auglýsing -

FH er fallið úr leik

Ásbjörn Friðriksson og félagar í FH töpuðu er fallnir úr leik í Evrópubikarnum í handknattleik. Mynd/J.L.Long
- Auglýsing -

FH hefur lokið þátttöku í Evrópubikarkeppninni í handknattleik karla í handknattleik. FH tapaði síðari leiknum við Tatran Presov með átta marka mun, 31:23, í Presov í Slóvakíu í kvöld, og samanlagt, 61:58, í tveimur viðureignum í kvöld og í gærkvöld í 16-liða úrslitum keppninnar.

FH hafði vænlega stöðu eftir fyrri viðureignina í gærkvöld, 35:30. Leikmenn Presov voru öflugri í kvöld. Þeir voru tveimur mörkum yfir að loknum fyrri hálfleik, 15:13. Eftir um 10 mínútur í síðari hálfleik var eins eins marks munur á liðunum, 20:19. Eftir það datt botninn úr sóknarleik FH-liðsins.

Jafnt og þétt bætti Presov við forskot sitt vel studdir af fjölmörgum áhorfendum.

Mörk FH: Ásbjörn Friðriksson 6, Jóhannes Berg Andrason 6, Einar Bragi Aðalsteinsson 3, Símon Michael Guðjónsson 3, Jón Bjarni Ólafsson 2, Einar Örn Sindrason 2, Leonharð Þorgeir Harðarson 1.

Bosníumaðurinn Marko Davidovic lék lausum hala og lék FH-inga grátt í leiknum. Hann skoraði 14 mörk.

Tatran Presov hefur þar með unnið tvö íslenska félagslið í röð á leið sinni í átta liða úrslit keppninnar. Tatran lagði Aftureldingu í 32-liða úrslitum í lok nóvember.

Tengdar fréttir:

FH vann fyrri leikinn í Presov með fimm marka mun

Myndskeið: „Geggjuð liðsframmistaða hjá strákunum“

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -