U21 og U17 landslið karla í handknattleik leika vináttuleiki við færeysku landsliðin í Kaplakrika á morgun og á sunnudaginn. Leikirnir eru liður í undirbúningi íslensku landsliðanna fyrir verkefni sumarsins.
U21 árs landsliðið tekur þátt í heimsmeistaramótinu sem hefst 20. júní í samstarfi Grikkja og Þjóðverja. Færeyingar verða einnig þátttakendur á HM.
Einar og Róbert kalla saman 18 leikmenn til undirbúnings fyrir HM
U17 karla býr sig undir þátttöku á Opna Evrópumótinu sem fram fer í Svíþjóð frá 3. til 7. júlí og eftir það á Ólympíuhátíð Evrópuæskunnar í Slóveníu 23. – 29. júlí.
U17 ára landslið karla stendur í ströngu í sumar
HSÍ og Handknattleikssamband Færeyja hafa unnið náið saman á síðustu árum og hafa yngri landslið sambandanna skipst á heimsóknum og leikið vináttulandsleiki. Yngri landslið Íslands í kvennaflokki sækja færeysku landsliðin heim síðar í þessum mánuði.
Leiktímar í Kaplakrika um helgina eru eftirfarandi:
Laugardagur 3. júní:
U17, klukkan 15.
U21, klukkan 17.30.
Sunnudagur 4. júní:
U17, klukkan 14.
U21, klukkan 16.30.
Aðgangur er ókeypis. Einnig verður leikjunum streymt á YouTube-rás HSÍ.
