- Auglýsing -
- Auglýsing -
- Auglýsing -
- Auglýsing -

Förum út til þess að klára dæmið

Magnús Óli Magnússon sækir að vörn Olympiacos. handbolti.is/Jónína Guðbjörg Guðbjartsdóttir
- Auglýsing -

„Við héldum í okkar leikplan alla leikinn á hverju sem gekk og það skilaði góðum sigri þegar upp er staðið,“ sagði Magnús Óli Magnússon leikmaður Vals í við handbolta.is eftir fjögurra marka sigur Valsara á Olympiacos í fyrri úrslitaleiknum í Evrópubikarkeppninni í handknattleik á Hlíðarenda í kvöld, 30:26. Síðari leikurinn fer fram eftir viku í Chalkida í Grikklandi.

Er bara hálfleikur

„Við gerðum aðeins og margra tæknifeila í fyrri hálfleik en tókst að gera bragarbót á í síðari hálfleik um leið og við gátum nýtt okkur þeirra mistök til þess að keyra upp hraðann og ná forskoti sem endaði í fjögurra marka mun. Það hefði getað orðið fimm eða sex en við tökum þessari niðurstöðu. Nú er bara hálfleikur,“ sagði Magnús Óli sem strax horfir til síðari leiksins enda ekkert unnið í kvöld nema einn áfangi á lengri leið.

„Við förum út með það að markmiði að klára þetta dæmi,“ sagði Magnús Óli hvergi banginn.

Eina vitið

„Leikurinn í kvöld var þolinmæðisvinna. Vörnin small hjá okkur þegar á leið og Bjöggi fór að verja. Við trúum og treystum og höldum okkar leikjaplani áfram í næsta leik. Það er eina vitið,“ sagði Magnús Óli Magnússon sem næst markahæstur Valsmanna í kvöld með fimm mörk.

Sjá einnig:

Einblínum ekki á forskotið – förum út til þess að vinna

Valur fer með fjögurra marka forskot til Grikklands

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -