Grétar Áki til liðs við ÍR

Grétar Áki Andersen hefur verið ráðinn til þjálfunar handknattleiksfólks hjá ÍR. Í tilkynningu handknattleiksdeildar ÍR kemur fram að Grétar Áki eigi að aðstoða Sólveigu Láru Kjærnested þjálfara meistaraflokks kvenna auk þess að taka við þjálfun 3. flokks kvenna.

Grétar Áki hefur getið sér gott orð sem þjálfari yngri handknattleiksflokka Vals á síðustu árum. Samningur hans við ÍR er til tveggja ára.