„Guð minn góður hvað það var gaman að mæta aftur út á völlinn eftir allan þennan tíma,“ sagði Lovísa Thompson sem lék með Val í dag í fyrsta sinn síðan í maí 2022. Hún fór út til Danmerkur þá um sumarið meiddist fljótlega og hefur verið að vinna úr þeimmeiðslum síðan.
Lovísa skoraði fimm mörk þegar Valur vann Stjörnuna, 29:10, í Meistarakeppni HSÍ í N1-höllinni í dag.
Þrjár aðgerðir á 10 mánuðum
„Ég var síðast með í leik 24. september 2022 og það var í Danmörku hjá Ringköbing. Þetta hefur verið langur tími en engu að síður hefur tíminn liðið hratt, að mér finnst. Ég fór í þrjár aðgerðir á 10 mánuðum. Það hefur ýmislegt gengið á en loksins er ég mætt aftur á völlinn og það er hrikalegt gott að vera kominn aftur út á gólfið á Hlíðarenda,“ sagði Lovísa og var eins og nærri má geta glöð í bragði þegar handbolti.is átti við hana stutt samtal.
Get ekki verið ánægðari
„Ég hef verið í ótrúlega góðum höndum hjá læknum, sjúkraþjálfurum og styrktarþjálfara og er loksins orðin góð, finn ekki fyrir neinu. Ég get ekki verið ánægðari,“ sagði Lovísa Thompson í samtali við handbolta.is í dag.
Sjá einnig: Ótrúlegir yfirburðir Valskvenna
Þetta var svakalega mikill munur
Þær keyrðu bara yfir okkur – áttum ekki möguleika
