Línu- og varnarmaðurinn Gunnar Dan Hlynsson hefur á ný gengið til liðs við Gróttu og skrifað undir til tveggja ára því til staðfestingar. Hann kemur til Gróttu frá Haukum. Gunnar Dan var alla síðustu leiktíð frá keppni eftir að hafa verið svo óheppinn að slíta krossband nokkru áður en keppni hófst í Olísdeildinni í ágúst í fyrra.
Gunnar Dan, sem er 23 ára gamall, þekkir vel til í herbúðum Gróttu eftir að hafa leikið með liði félagsins í hálf annað ár annað keppnistímabil, frá hausti 2020 fram til ársbyrjunar í fyrra. Þá var hann kallaður til baka úr láni eftir að Þráinn Orri Jónsson sleit krossband í hné í leik með landsliðinu á Evrópumótinu í Ungverjalandi.
Gunnar Dan er þriðji leikmaðurinn sem kemur til Gróttu frá Haukum á nokkrum dögum. Fyrir síðustu helgi var sagt frá komu Andra Fannars Elíssonar og Ágústs Inga Óskarssonar til Gróttu fyrir næsta keppnistímabil.
Sjá einnig:
Gunnar Dan sleit krossband – annar línumaður Hauka úr leik
Haukar sækja Gunnar úr láni vegna meiðsla Þráins Orra
Karlar – helstu félagaskipti 2023
