Halldór Stefán Haraldsson flytur heim til Íslands frá Noregi í sumar tekur við þjálfun karlaliðs KA af Jónatani Þór Magnússyni eftir keppnistímabilið. Halldór Stefán hefur skrifað undir þriggja ára samning við KA en frá þessu er greint í tilkynningu frá handknattleiksdeild KA í kvöld.
Halldór Stefán hefur þjálfað kvennalið Volda í Noregi undanfarin sjö ár og m.a. stýrt liðinu úr þriðju efstu deild upp í úrvalsdeild á síðasta vori. Nokkuð er síðan Halldór Stefán og Volda greindu frá samstarfi þeirra tæki enda eftir yfirstandandi keppnistímabil.
Halldór Stefán er 32 ára gamall fór snemma út í þjálfun. Hann þjálfaði m.a. kvennalið Fylkis frá 2011 til 2016 og einnig yngri landsliða kvenna.
Einnig afreksþjálfari
Um leið og Halldór Stefán tekur við þjálfun meistaraflokks KA í karlaflokki verður hann einnig afreksþjálfari hjá KA. Einnig er stefnt á að hann verði til aðstoðar og ráðlegginga við þjálfun á ungmennaliði sem og liði 3. flokks karla.
Prýðilega menntaður í faginu
Halldór Stefán er með Master Coach gráðu sem og Master Coach Pro réttindi frá EHF síðan 2020. Árið 2015 kláraði hann IHF Top Handball og EHF Youth þjálfararéttindi síðan 2012. Þá er hann með B.Sc í Sport Science frá Háskólanum í Reykjavík sem hann kláraði árið 2013.
„KA fagnar því að Halldór Stefán ætli að taka þátt í okkar flotta starfi og bjóðum við hann og fjölskyldu hans velkomin norður næsta sumar,“ segir m.a. í tilkynningu handknattleiksdeildar KA í kvöld.
