- Auglýsing -

Handboltinn okkar: Hasarinn fyrir norðan og lokumferðin

Strákarnir í hlaðvarpsþættinum Handboltinn okkar gáfu út sinn 61. þátt í dag og umsjónarmenn þáttarins að þessu sinni voru þeir Jói Lange og Arnar Gunnarsson. Í þessum þætti fóru þeir yfir lokaumferð Olísdeildar karla.

Hæst bar í þessari umferð hasarinn fyrir norðan en á lokamínútum leiks KA og Þórs átti sér stað atvik þar sem mark var dæmt af Þór. Þeir félagar Jói og Arnar voru sammála um það að dómarar leiksins gerðu stór mistök með því að dæma aukakast þarna í stað þess að láta markið hreinlega bara standa. Þá fóru þeir aðeins yfir atvikið sem átti sér stað í kjölfarið þar sem stuðningsmanni Þórs var hent útúr húsinu en þeir voru á því að það hefði verið hægt að tækla það mál betur og í raun voru það gæslumenn KA sem gerðu meira úr þessu en raun bar vitni.

Í lokin völdu þeir þá leikmenn sem koma til greina sem BK leikmaður 22. umferðar Olísdeildar karla en það eru þeir Finnur Ingi Stefánsson (Val), Leonharð Þorgeir Harðarson (FH), Kristinn Hrannar Bjarkason (Fram), Jovan Kukobat (Þór Ak.), Adam Sigmarsson Scheving (Haukum) og Vilius Rasimas (Selfossi).

- Auglýsing -
- Auglýsing -

Nýjustu fréttir

- Auglýsing -