- Auglýsing -

Handboltinn okkar: Rætt um framfarir og uppgjöf

Strákanir í hlaðvarpsþættinum Handboltinn okkar gáfu út sinn 38. þátt í gærkvöld. Í þættinum fóru þeir félagar yfir 10. umferð í Olísdeild kvenna.  Það var nú ekki margt sem þótti til tíðinda í þessari umferð. Þó voru þeir ánægðir með að sjá að lið Fram er óðum að ná vopnum sínum. Að sama skapi hafa þeir félagar áhyggur af sóknarleik Valsstúlkna. Þá eru þeir óánægðir með uppgjöf FH liðsins sem hefur greinilega játað sig sigrað í deildinni. Þeir félagar vilja sjá meiri baráttuanda frá þeim og hvetja þær til þess að mæta til leiks í þeim fjórum umferðum sem eftir eru með það að vopni að hafa gaman af því að spila handbolta.

Þá heldu þeir uppteknum hætti og völdu þá leikmenn sem koma til greina í kosningunni um BK leikmann 10. umferðar í Olísdeild kvenna. Til greina koma Steinunn Björnsdóttir (Fram), Eva Björk Davíðsdóttir (Stjörnunni), Birna Berg Haraldsdóttir (ÍBV) og Hulda Bryndís Tryggvadóttir (KA/Þór).

Það er stutt á milli þátta hjá þeim félögum þessa dagana. Næsti þáttur hjá þeim kemur út á þriðjudagsmorgun. Þá fara þeir yfir 12. umferð í Olísdeild karla.

Hægt er að hlusta á þáttinn með því að smella á örina niðri í hægra horninu.

- Auglýsing -
- Auglýsing -

Nýjustu fréttir

- Auglýsing -