- Auglýsing -
45. þáttur af hlaðvarpsþættinum Handboltinn okkar kom út í dag.
Í þættinum er fjallað um leiki 3 og 4 í úrslitum Olísdeildar kvenna. Í leik 3 voru Framkonur ákveðnari og fóru með sigur af hólmi og munaði mestu um að Hafdís Renötudóttir markvörður Fram átti flottan leik og var með um 40% markvörslu.
Leikur 4 var dálítið kaflaskiptur en Fram var þó ávallt með frumkvæðið, síðustu tíu mínútur leiksins voru þó æsispennandi en Safamýrarliðið hafði þó betur að lokum og vann sinn 23. Íslandsmeistaratitil.
Strákarnir hrósuðu Karen Kútsdóttur fyrir frábæra frammistöðu í úrslitaeinvíginu og hún sýndi öllum að hún er besti leikstjórnandi landsins og gerir heldur betur tilkall til þess að vera leikstjórnandi númer eitt í A-landsliðið kvenna.
Hlaðvarpsþátturinn Handboltinn okkar óskar Framkonum til hamingju með titilinn.
- Auglýsing -
