- Auglýsing -
Arnar Daði Arnarsson umsjónarmaður hlaðvarpsþáttarins Handkastið sagði í þætti sem kom út í gærkvöld að Brynjar Vignir Sigurjónsson markvörður Aftureldingar elti hugsanlega samherja sinn í Mosfellsbænum, Þorstein Leó Gunnarsson, þegar sá síðarnefndi fer til portúgölsku meistaranna Porto í sumar. Brynjar Vignir vakti athygli með U21 árs landsliðinu á HM á síðasta ári þegar Ísland hafnaði í þriðja sæti.
„Hann er ekki búinn að skrifa undir en hann er með samning á borðinu og Porto hefur legið í honum síðustu vikur og mánuði. Þetta hefur tekið sinn tíma en það verður fróðlegt að sjá hvort Brynjar Vignir taki slaginn og endi í Portúgal,“ sagði Arnar Daði í Handkastinu.
Þáttinn er að finna hér fyrir neðan.
- Auglýsing -
