„Meðan við gagnrýnum Selfossliðið þá verðum við að hrósa Víkingum. Ef þú hefðir sagt mér fyrir Íslandsmótið að Víkingur yrði kominn með fjögur stig eftir fimm leiki þá hefði ég sent þig í lyfjapróf,“ segir Teddi Ponsa í nýjasta þætti Handkastsins og beindi orðum sínum að Styrmi Sigurðssyni kollega sínum í Handkastinu sem er ekki sá sami Styrmir Sigurðsson og leikur með Víkingi. „Ég var að setja á þá þrjú til fjögur stig allt tímabilið,“ sagði Ponsa sem þarf að endurskoða spá sína. Heimatökin ættu að vera hæg í þeim efnum enda menntaður á því sviði.
Atli Már Báruson, læðan, sem var gestur í þætti gærkvöldsins sem tekinn var upp eftir leikina fimm sem fóru fram í Olísdeildinni, sagði Víkingsliðið einfaldlega betra en það hafi verið á síðustu árum þótt e.t.v. hafi ekki margir verið bjartsýnir fyrir hönd nýliðanna þegar flautað var til leiks í byrjun september.
Víkingur vann Selfoss í Olísdeild karla í gærkvöld og hefur þar með unnið tvo af fyrstu fimm leikjum sínum í deildinni.
Kannski er þetta rétt
„Kannski er þetta bara rétt hjá þér og vel gert Víkingur,“ sagði Ponsan og beindi orðum sínum að læðunni. Styrmir hafði sig lítt í frammi enda vart búinn að jafna sig eftir pillur sem Víkingar sendu umsjónarmönnum Handkastsins eftir sigur liðsins á ÍBV í annarri umferð.
Umræðan um Víkinga hefst eftir 22,20 mínútur í nýjasta Handkastinu.
