Bikar- og deildarmeistarar ÍBV eru á meðal 64 liða sem skráð eru til leiks í Evrópubikarkeppni kvenna í handknattleik á næsta keppnistímabili. Öll mæta liðin til leiks í aðra umferð keppninnar sem á að fram síðustu tvær helgarnar í september.
ÍBV er í efri styrkleikaflokki ásamt 31 liði. Dregið verður í fyrstu umferð þriðjudaginn 18. júlí.
Gamall kunningi í neðri flokki
ÍBV getur dregist á móti einhverju af liðunum 32 úr neðri styrkleikaflokknum en þau eru talin upp á skjalinu hér fyrir neðan. Meðal liða í neðri styrkleikaflokknum er gríska liðið Panorama sem ÍBV mætti haustið 2021 í tveimur leikjum í Evrópubikarkeppninni.
Sjá einnig: Íslandsmeistarar Vals byrja í fyrstu umferð í Evrópu
Á síðasta keppnistímabili féll ÍBV út í annarri umferð Evrópubikarkeppninnar en náði alla leið í 16 liða úrslit árið áður.
Skjal með nöfnum liðanna 64 er að finna hér fyrir neðan.
