ÍR hefur endurheimt sæti sitt í Olísdeild karla í handknattleik eftir eins árs veru í Grill 66-deildinni. Eftir spennandi endasprett í deildinni þar sem kapphlaupið um beinan flutning upp í Olísdeildina stóð á milli ÍR og Fjölnis höfðu ÍR-ingar betur. Þeir unnu ungmennalið Hauka í dag, 36:33, í Skógarseli, í síðustu umferð deildarinnar.
ÍR-ingar verða með bæði meistaraflokkslið sín í Olísdeildum á næstu leiktíð í fyrsta sinn frá árinu 2015.
Haukar gáfu ÍR-ingum ekki eftir í leiknum í dag og voru m.a. með yfirhöndina lengi framan af. ÍR-ingar ráku af sér slyðruorðið þegar á leið leikinn og unnu sætan sigur og gulltryggðu sæti í Olísdeildinni.
Eins og kom fram fyrr í dag varð ungmennalið Fram deildarmeistari í Grill 66-deildinni, þremur stigum framar en ÍR-ingar.
Fjölnir varð næst á eftir ÍR með einu stigi færra. Fjölnir vann þunnskipað ungmennalið KA, 32:26, í dag. KA-menn höfðu ekki að miklu að keppa að þessu sinni.
Hörður og ungmennalið HK mætast síðar í dag. Úrslit þess leiks breyta engu um heildarniðurstöðu deildarinnar. Hörður hafnar í fjórða sæti.
Lokastaðan í Grill 66-deildum.
Umspil Olísdeildar karla hefst 9. apríl.
Úrslit flestra leikja dagsins
ÍR – Haukar U 36:33 (17:21).
Mörk ÍR: Róbert Snær Örvarsson 11, Bjarki Steinn Þórisson 8, Baldur Fritz Bjarnason 7, Sveinn Brynjar Agnarsson 5, Bernard Kristján Darkoh 4, Viktor Freyr Viðarsson 1.
Varin skot: Ólafur Rafn Gíslason 6, Rökkvi Pacheco Steinunnarson 6.
Mörk Hauka U.: Birkir Snær Steinsson 8, Sigurður Snær Sigurjónsson 8, Freyr Aronsson 5, Ásgeir Bragi Þórðarson 4, Egill Jónsson 3, Bóas Karlsson 3, Ari Dignus Maríuson 1, Aron Ingi Hreiðarsson 1.
Varin skot: Ari Dignus Maríuson 10, Finnbogi Árnason 1.
Fjölnir – KA U 32:26 (16:13).
Mörk Fjölnis: Haraldur Björn Hjörleifsson 12, Björgvin Páll Rúnarsson 5, Viktor Berg Grétarsson 4, Alex Máni Oddnýjarson 4, Elvar Þór Ólafsson 2, Óðinn Freyr Heiðmarsson 2, Sigurður Örn Þorsteinsson 2, Aron Breki Oddnýjarson 1.
Varin skot: Sigurður Ingiberg Ólafsson 13.
Mörk KA U.: Dagur Árni Heimisson 12, Jónsteinn Helgi Þórsson 4, Jens Bragi Bergþórsson 4, Ernir Elí Ellertsson 3, Magnús Dagur Jónatansson 2, Leó Friðriksson 1.
Varin skot: Nicolai Horntvedt Kristensen 9.
Fram U – Valur U 22:25 (11:12).
Mörk Fram U.: Arnþór Sævarsson 5, Sigurður Bjarki Jónsson 4, Felix Már Kjartansson 4, Daníel Stefán Reynisson 4, Max Emil Stenlund 3, Ísak Jón Ingimarsson 2.
Varin skot: Breki Hrafn Árnason 15, Starkaður Arnalds 4.
Mörk Vals U.: Tómas Sigurðarson 6, Dagur Leó Fannarsson 3, Þorvaldur Örn Þorvaldsson 3, Daníel Montoro Montoro 2, Hlynur Freyr Geirmundsson 2, Matthías Ingi Magnússon 2, Kovan Zeravan 1, Jóel Bernburg 1, Daníel Örn Guðmundsson 1, Jóhannes Jóhannesson 1, Daníel Franz Davíðsson 1.
Varin skot: Stefán Pétursson 6, Jens Sigurðarson 3.
Víkingur U – Þór 31:35 (14:16).
Mörk Víkings: Benedikt Emil Aðalsteinsson 10, Arnar Gauti Arnarsson 7, Einar Marteinn Einarsson 6, Kristófer Snær Þorgeirsson 5, Arnar Steinn Arnarsson 1, Sigurður Páll Matthíasson 1, Bergur Breki Ragnarsson 1.
Varin skot: Heiðar Snær Tómasson 7, Einar Rafn Magnússon 5.
Mörk Þór Ak.: Aron Hólm Kristjánsson 7, Arnór Þorri Þorsteinsson 6, Sigurður Ringsted Sigurðsson 5, Þormar Sigurðsson 5, Sveinn Aron Sveinsson 3, Jón Ólafur Þorsteinsson 2, Arnþór Gylfi Finnsson 2, Brynjar Hólm Grétarsson 2, Halldór Kristinn Harðarson 1, Garðar Már Jónsson 1, Aðalsteinn Ernir Bergþórsson 1.
Varin skot: Tómas Ingi Gunnarsson 13.
Lokastaðan í Grill 66-deildum.
