Handknattleiksdeild ÍR hefur staðfest að Sara Dögg Hjaltadóttir gangi til liðs við nýliðanna í Olísdeild kvenna sem lánsmaður frá Íslandsmeisturum Vals. Handbolti.is sagði frá væntanlegri komu Söru Daggar í Skógarselið samkvæmt heimildum á laugardaginn.
Sara Dögg kom til liðs við Val fyrir ári og varð Íslandsmeistari með liðinu í vor og silfurhafi í deildarkeppninni og í Poweradebikarnum. Áður var Sara Dögg með Kongsvinger, Volda og Gjerpen HK Skein í HK en hún er uppalin hjá Fjölni, spilaði þar upp yngri flokka og í meistaraflokki áður en hún fór til Noregs.
Sara Dögg á að baki þrjá leiki með B-landsliðinu. Hún er miðjumaður ásamt því að geta leyst flestar stöður fyrir utan. Hún er einnig sterkur varnarmaður og mun koma til með að auka breiddina í leikmannahópi ÍR.
Konur – helstu félagaskipti 2023
