KA varð í dag bikameistari í 3. flokki karla eftir sigur á Fram í úrslitaleik Powerade-bikarsins í Laugardalshöll, 30:28, í hörkuleik þar sem svo sannarlega mættust stálin stinn. Jöfn staða var að loknum fyrri hálfleik, 13:13.
Dagur Árni Heimisson, KA var valinn maður leiksins. Hann lék á als oddi og skoraði meira en helming marka KA-liðsins.
Mörk KA: Dagur Árni Heimisson 16, Jens Bragi Bergþórsson 7, Magnús Dagur Jónatansson 3, Logi Gautason 2, Leó Friðriksson 1, Skarphéðinn Ívar Einarsson 1.
Varin skot: Óskar Þórarinsson 16.
Mörk Fram: Marel Baldvinsson 13, Arnþór Sævarsson 7, Max Emil Stenlund 5, Eiður Rafn Valsson 2, Daníel Stefán Reynisson 1.
Varin skot: Garpur Druzin Gylfason 7, Eggert Ólafsson 3.
Því miður er enga mynd af silfurliði Fram að finna í frétt HSÍ af úrslitaleiknum.
Powerade-bikarmeistara í fleiri yngri flokkum er að finna hér.
