Komdu með landsliðinu til Færeyja

Örfá sæti eru laus í hópferð til Færeyja sem HSÍ stendur að í samstarfi við Icelandair á leik Færeyinga og Íslendinga í undankeppni Evrópumóts kvenna í handknattleik sem fram fer sunnudaginn 15. okótber.

Farið verður með leiguvél Icelandair frá Reykjavíkurflugvelli klukkan 9 að morgni laugardagsins 14. október. Komið verður til baka til Reykjavíkur sunnudagskvöldið 15. október. Áætluð lending í Reykjavík er klukkan 21.50.

Verðið fyrir flugið er 65.000 kr. Frekari upplýsingar veitir Kjartan Vídó, markaðsstjóri HSÍ í gegnum netfangið kjartanv@hsi.is.

„Stuðningur við stelpurnar hefur verið frábær á heimavelli liðsins síðustu ár og gefst stuðningsmönnum tækifæri á að fylgja liðinu til Færeyja,“ segir m.a. í tilkynningu frá HSÍ.