- Auglýsing -
- Auglýsing -
- Auglýsing -

Kvöldkaffi: Stiven, Orri, Arnór, Viktor, Elín, Dana, Grétar, Haukur, Hannes

Stiven Tobar Valencia - Mynd/Hafliði Breiðfjörð
- Auglýsing -
  • Stiven Tobar Valencia skoraði fjögur mörk fyrir Benfica þegar liðið vann CF Estrela Amadora, 39:21, í 32-liða úrslitum portúgölsku bikarkeppninnar í handknattleik í kvöld. 
  • Sporting komst einnig áfram í 16-liða úrslit portúgölsku bikarkeppninnar í handknattleik karla í kvöld. Sporting lagði AC Fafe 42:14, á útivelli. Orri Freyr Þorkelsson lék ekki með Sporting. Hann var sprautaður í annað hnéð á dögunum og sat þar af leiðandi yfir að þessu sinni. Orri Freyr verður klár í slaginn þegar Sporting mætir Vítoria í deildinni á þriðjudagskvöld. 
  • Arnór Atlason þjálfari Holstebro fagnaði sigri með lærisveinum sínum í heimsókn til Kolding, 35:28, í fyrsta leik liðsins í dönsku úrvalsdeildinni í handknattleik karla í dag. Leikurinn fór fram í Kolding. Holstebro er í níunda sæti deildarinnar og í harðri baráttu um sæti í úrslitakeppni átta efstu liða. Stöðuna í dönsku úrvalsdeildinni og í fleiri deildum í evrópskum handknattleik er að finna hér
  • Viktor Gísli Hallgrímsson og félagar í Nantes komust í undanúrslit frönsku bikarkeppninnar í kvöld með níu marka sigri á Saint Raphaël, 34:25, á heimavelli. Montpellier lagi Dunkerque með tíu marka mun, 36:26. Tveir síðari leikir átta liða úrslita fara fram á morgun. 
  • Elín Jóna Þorsteinsdóttir og samherjar hennar í EH Aalborg unnu í gær sinn 16. leik í dönsku 1. deildinni í handknattleik í gær. EH Aalborg vann þá  DHG Odense, 25:24, á heimavelli. Elín Jóna kom lítið við sögu í leiknum því stalla hennar í markinu var valin maður leiksins. EH Aalborg er með 32 stig í efsta sæti deildarinnar eftir  16 umferðir, sjö stigum á undan Roskilde Håndbold sem er í öðru sæti. 
  • Dana Björg Guðmundsdóttir skoraði fimm mörk í þriggja marka sigri Volda á Utleira á útivelli í 18. umferð norsku 1. deildarinnar í handknattleik, 30:27. Volda færðist upp í annað sæti deildarinnar með sigrinum. Flint Tønsberg er stigi á eftir og á leik inni á Volda. Haslum er sem fyrr með gott forskot í efsta sæti. 
  • Grétar Ari Guðjónsson markvörður kom ekkert við sögu þegar lið hans Sélestat vann Frontignan, 26:25, á heimavelli í næst efstu deild franska handknattleiksins í dag. Sélestat  er komið upp í annað sæti deildarinnar með 22 stig eftir 15 leiki, er stigi á undan Pontault. Tremblay er efst með 28 stig. 
  • Haukur Þrastarson skoraði ekki mark fyrir Industria Kielce í 13 marka sigri liðsins á GA Unia Tarnów, 39:26, í pólsku úrvalsdeildinni í handknattleik í dag.  Industria Kielce er í öðru sæti deildarinnar með 51 stig eftir 18 leiki. Wisla Plock er efst með 54 stig að loknum 18 leikjum. 
  • Hannes Jón Jónsson og leikmenn hans í Alpla Hard unnu Linz á heimavelli, 30:28, í fjórtándu umferð austurrísku 1. deildarinnar í kvöld. Alpla Hard er í öðru sæti deildarinnar með 22 stig, tveimur stigum á eftir Handball Tirol en tveimur stigum á undan Füchse. Grannlið Alpla, Bregenz, er í fjórða sæti með 19 stig. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -