Þýska handknattleiksliðið Rhein-Neckar Löwen staðfesti í morgun orðróm frá því í gær að landsliðsmaðurinn Ýmir Örn Gíslason rói á ný handknattleiksmið á næsta sumri. Félagið mun ekki endurnýja samning sinn við hann eftir fjögurra ára vist.
Uppfært:
Göppingen hefur staðfest komu Ýmis Arnar til félagsins í sumar.
Handbolti.is greindi frá því í gær að orðrómur væri uppi um að Ýmir Örn gangi til liðs við Frisch Auf! Göppingen í suður Þýskalandi í sumar. Handball Leaks sagði frá væntanlegum vistaskiptum Ýmis Arnar og til þess var vitnað í neðangreindri frétt handbolta.is í gær.
Göppingen leikur einnig í þýsku 1. deildinni og er rótgróið félag sem nokkrir Íslendingar hafa leikið með í gegnum tíðina, þar á meðal Geir Hallsteinsson, Rúnar Sigtryggsson og Janus Daði Smárason. Göppingen var andstæðingur Vals í 16-liða úrslitum Evrópudeildarinnar á síðasta keppnistímabili.
Uppstokkun og þjálfaraskipti standa fyrir hjá Göppingen á komandi sumri. Fyrir um hálfum mánuði tilkynnti félagið að Markus Baur sem tók við þjálfun í sumar fá ekki endurnýjaðan starfssamning í lok þessa keppnistímabils.
