- Auglýsing -
- Aldís Ásta Heimisdóttir skoraði sjö mörk og átti fjórar stoðsendingar þegar Skara HF vann HK Aranäs, 34:21, í sænsku úrvalsdeildinni í handknattleik í gærkvöld. Óhætt er að segja að hún hafi leikið afar vel eins og hún hefur nánast undantekningarlaust gert á leiktíðinni.
- Þetta var fjórði sigur Skara HF í síðustu fimm leikjum. Þar með er liðið komið upp í sjötta sæti deildarinnar með 13 stig að loknum 13 leikjum
- Jóhanna Margrét Sigurðardóttir skoraði tvö mörk fyrir Skaraliðið. Katrín Tinna Jensdóttir var ekki með liðinu að þessu sinni.
- Sandra Erlingsdóttir lék ekki með TuS Metzingen í gær í eins marks tapi, 26:25, í heimsókn til HSG Bensheim/Auerbach í þýsku 1. deildinni í handknattleik. TuS Metzingen er í sjötta sæti deildarinnar en HSG Bensheim/Auerbach situr í þriðja sæti með 18 stig eins og Thüringer sem er í öðru sæti.
- Vaka Líf Kristinsdóttir hefur framlengt samningi sínum við handknattleiksdeild ÍR til ársins 2026. Vaka Líf sem er á nítjánda ári leikur með ÍR-liðinu í Olísdeildinni og var í liðinu sem vann Selfoss í vor í umspili um sæti í Olísdeildinni.
- Auglýsing -