- Auglýsing -
- Auglýsing -
- Auglýsing -
- Auglýsing -

Molakaffi: Aldís, Katrín, Kristján, Guðjón L, Pekeler, Dissinger, Jurecki

Jóhanna Margrét Sigurðardóttir landsliðskona og leikmaður Skara HF. Mynd/Hafliði Breiðfjörð
- Auglýsing -
  • Aldís Ásta Heimisdóttir skoraði fjögur mörk og átti þrjár stoðsendingar og Katrín Tinna Jensdóttir skoraði tvisvar sinnum þegar lið þeirra Skara HF gerði jafntefli við Önnereds, 26:26, í fimmtu umferð sænsku úrvalsdeildarinnar í handknattleik í gærkvöld. Skara HF var með tveggja marka forskot þegar fyrri hálfleikur var að baki. 
  • Jóhanna Margrét Sigurðardóttir leikmaður Skara HF kom ekkert við sögu í leiknum vegna smávægilegra meiðsla. Skara er í áttunda sæti deildarinnar með þrjú stig eftir átta leiki. Stöðuna í sænsku úrvalsdeildinni og fleiri deildum Evrópu er að finna hér
  • Kristján Halldórsson verður eftirlitsmaður á leik Skjern og MSK Povazska Bystrica frá Slóvakíu í annarri umferð riðlakeppni Evrópudeildar karla í handknattleik sem fram fer í Skjern í Danmörku 24. október. 
  • Sama dag verður Guðjón L. Sigurðsson  eftirlitsmaður á leik Benfica og IFK Kristianstad sem einnig er liður í annarri umferð riðlakeppni Evrópudeildarinnar. Fleiri Íslendingar koma við sögu í leiknum en Stiven Tobar Valencia leikur með Benfica. 
  • Hendrik Pekeler leikmaður THW Kiel hefur tilkynnt að hann gefi ekki kost á sér í þýska landsliðið fyrir Evrópumeistaramótið sem fram fer í Þýskalandi í janúar. Pekeler hefur ekki leikið með landsliðinu frá því á Ólympíuleikunum 2021. Vonir stóðu til að hann gæfi á ný kost á sér fyrir EM en af því verður ekki. Hann segist ekki hafa náð nægum styrk eftir að hafa glímt við meiðsli. 
  • Annar þýskur handknattleiksmaður sem var í sigurliðinu á EM 2016, Christian Dissinger, hefur loksins samið við félag. Hann hefur verið samningslaus síðan í vor. Dissing gekk til liðs við PLER-Búdapest. Dissinger hefur víða komið við síðustu árin. 
  • Einn af fremri handknattleiksmönnum Pólverja á þessari öld, Michal Jurecki, hefur ákveðið að leggja keppnisskóna á hilluna. Hann er 38 ára gamall. Jurecki lék síðast með KS Azoty-Pulawy í heimalandi sínu. Jurecki var m.a. í silfurliði Pólverja á HM 2007 og bronsliðnu á HM 2009 og 2015. Einnig var hann valinn í úrvalslið EM 2016 sem fram fór í Póllandi.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -