- Auglýsing -
- Auglýsing -
- Auglýsing -

Molakaffi: Arnar Birkir, myndskeið, Þórir, Haukur, Kristiansen, Zivkovic,

Mynd/Hafliði Breiðfjörð
- Auglýsing -
  • Arnar Birkir Hálfdánsson skoraði eitt mark fyrir Amo þegar liðið tapaði í heimsókn til HK Malmö, 30:27, í sænsku úrvalsdeildinni í handknattleik í gærkvöld. Amo er í 10. sæti af 14 liðum þegar sex umferðir eru eftir. Hér fyrir neðan er myndskeið þar sem m.a. er eina mark Arnars Birkis.
  • Þórir Hergeirsson valdi Veronicu Kristiansen í norska landsliðið sem mætir austurríska landsliðinu í Evrópubikarkeppni landsliða 28. febrúar og 2. mars. Það væri í sjálfu sér ekki í frásögu færandi nema vegna þess að Kristiansen hefur ekki verið í norska landsliðinu síðan á haustmánuðum 2022. 
  • Kristiansen var ekki með á EM 2022 og heldur ekki með á HM í lok síðasta árs. Kristiansen, sem var árum saman ein af kjölfestum norska landsliðsins, átti sitt fyrsta barn í júlí á síðasta ári og mætti til leiks aftur síðla á síðasta ári með félagsliði sínu Györ. Hún hefur síðan átt hvern stórleikinn á fætur öðrum. 
  • Þýska handknattleiksliðið Flensburg hefur samið við austurríska landsliðsmanninn Boris Zivkovic. Hann kemur nú þegar til félagsins frá KS Azoty-Pulawy í Póllandi. Zivkovic er örvhent skytta og verður með Teiti Erni Einarssyni í hægri skyttustöðunni í fjarveru Hollendingsins Kays Smits sem óvíst er hvenær mætir aftur út á leikvöllinn. Smits er hjartveikur og hefur verið frá keppni síðan í byrjun desember. Zivkovic samdi við Flensburg til loka þessarar leiktíðar. 
  • Keppni hefst í Meistaradeild karla í handknattleik í kvöld eftir langt hlé. Fjórar umferðir eru eftir af riðlakeppninni. Einn Íslendingur verður í eldlínunni í kvöld. Haukur Þrastarson leikur með Industria Kielce gegn THW Kiel. Fleiri Íslendingar taka þátt í fjórum leikjum sem fram fara annað kvöld, fimmtudag. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -