- Auglýsing -
- Arnar Freyr Arnarsson skoraði eitt mark en Elvar Örn Jónsson ekkert þegar lið þeirra MT Melsungen gerði jafntefli við HC Erlangen, 31:31, í þýsku 1. deildinni í handknattleik í gær. Leikið var í Nürnberg þar sem Erlangen er með bækistöðvar.
- Melsungen komst upp í 5. sæti deildarinnar með stiginu í gær. Sennilega mun það þó væntanlega duga skammt til að halda sætinu til lengri tíma. Kiel er stigi á eftir og á þrjá leiki inni á Melsungen.
- Erlangen er í þriðja neðsta sæti þegar liðið á þrjá leiki eftir. Bergischer HC, sem Arnór Þór Gunnarsson tók við þjálfun á fyrir skömmu við annan mann er þremur stigum á eftir Erlangen og á leik til góða. Bergischer HC sækir HSV Hamburg heim í kvöld. Bergischer hefur verið á siglingu síðan Arnór Þór tók við.
- Dana Björg Guðmundsdóttir skoraði sjö mörk og var markahæst hjá Volda þegar liðið vann Follo HK, 32:26, í umspili um sæti í norsku úrvalsdeildinni á næstu leiktíð. Volda jafnaði með metin. Framundan er oddaleikur á heimavelli Follo á sunnudaginn.
- Auglýsing -