- Auglýsing -
- Íslenskir þjálfara leiða saman hesta sína í upphafsleik dönsku úrvalsdeildarinnar í handknattleik karla í kvöld. Halldór Jóhann Sigfússon og lærisveinar í Nordsjælland fá Arnór Atlason og hans liðsmenn í TTH Holstebro í heimsókn. Báðir þjálfarar tóku við liðunum í sumar auk þess sem Halldór Jóhann var annar af þjálfurum TTH Holstebro á síðasta keppnistímabili.
- Andrea Jacobsen leikur sinn fyrsta leik í dönsku úrvalsdeildinni í kvöld þegar lið hennar, Silkeborg-Voel fær liðsmenn Ringkøbing í heimsókn í fyrstu umferð deildarinnar.
- Þýski landsliðsmarkvörðurinn Andreas Wolff er meiddur og leikur að líkindum ekki með pólska meistaraliðinu Kielce næstu sex vikur. Meiðslin geta sett talsvert strik í reikninginn hjá Kielce vegna þess að fleiri markverðir liðsins eru frá keppni vegna meiðsla. Auk þess er keppni hafin í pólsku úrvalsdeildinni. Ekki er nema hálfur mánuður þar til flautað verður til leiks í Meistaradeild Evrópu.
- Skemmtileg útfærsla á aukakaksti hjá leikmönnum Göppingen í leik við Rhein-Neckar Löwen í þýsku 1. deildinni í handknattleik í gærkvöld. Markið dugði Göppingen ekki til sigurs. RN-Löwen jafnaði metin á síðustu sekúndu.
😀 Un petit tuyau de combinaison à tester ce WE lors de votre match de préparation 👍 pic.twitter.com/Xdx9MPZOmh
— HandNews (@HandNewsfr) September 1, 2023
- Gænlenska landsliðið í handknattleik kvenna hefur verið í æfingabúðum í Danmörku upp á síðkastið og m.a. leikið við lið úr neðri deildum. Landsliðið er að búa sig undir þátttöku á HM síðar á þessu ári eftir glæsilegan árangur í undankeppninni sem fram fór í byrjun sumars. Grænlendingar verða með heimsmeisturum Noregs, Asíumeisturum Suður Kóreu og Austurríki í riðli á HM leikinn verður í Stavangri eins og leikir riðilsins sem íslenska landsliðið leikur í.
- Auglýsing -
