- Auglýsing -
- Ásta Björt Júlíusdóttir leikur ekki með bikarmeisturum ÍBV á næsta keppnistímabili. Á Facebooksíðu sinni deilir Ásta Björt þeim gleðifregnum að hún sé barnshafandi og eigi von á barninu í heiminn í febrúar.
- Sandra Erlingsdóttir skoraði þrjú mörk þegar lið hennar, TuS Metzingen, vann svissneska liðið SPONO Eagles, 40:24, í æfingaleik í gær.
- Aldís Ásta Heimisdóttir skoraði fimm mörk og Jóhanna Margrét Sigurðardóttir eitt mark þegar lið þeirra Skara HF tapað fyrir Skövde HF, 27:22, á æfingamóti. Katrín Tinna Jensdóttir lék einnig með Skara en hún kom til liðsins í sumar. Næsti leikur Skara HF verður við Torslanda HK á útivelli í bikarkeppninni í næstu viku. Sænska bikarkeppnin er að hefjast. Að vanda verður leikið í fjögurra liða riðlum á fyrsta stigi keppninnar.
- Óðinn Þór Ríkharðsson var markahæstur með níu mörk þegar Kadetten Schaffhausen vann Skjern, 27:24, í þriðju og síðustu umferð Heidi-Cup handknattleiksmótsins í Þýskalandi í gær. Kadetten vann tvo leiki á mótinu en tapaði einum.
- SC Magdeburg tapaði fyrir danska liðinu Aalborg Håndbold eftir vítakeppni, 33:32, á æfingamóti í gær. Jafnt var eftir venjulegan leiktíma, 26:26. Janus Daði Smárason skoraði eitt mark fyrir Magdeburg-liðið.
- Á sama móti og SC Magdeburg og Aalborg Håndbold léku á vann Nantes, með Viktor Gísla Hallgrímsson markvörð innanborðs, liðsmenn Lemgo, 30:26.
- Sigvaldi Björn Guðjónsson skoraði átta mörk, þar af fimm úr vítaköstum, þegar Kolstad vann danska úrvalsdeildarliðið Skanderborg Aarhus, 29:24, í æfingaleik í Kolstad Arena í Þrándheimi að viðstöddum 712 áhorfendum í gær.
- Ribe-Esbjerg og Fredericia HK skildu jöfn í æfingaleik í gær, 26:26. Fredericia HK var fimm mörkum yfir í hálfleik. Þar með hefur Ribe-Esbjerg leikið fjóra æfingaleiki í röð án taps.
- Tryggvi Þórisson og félagar í sænska liðin Sävehof unnu Elverum frá Noregi, 35:32, á heimavelli í gær.
- Auglýsing -
