- Auglýsing -
- Auglýsing -
- Auglýsing -

Molakaffi: Barein, Aron, Spánn, forkeppni HM, æfingaleikir, Balic

Spánverjinn Rodriguez í fangi Alfardan leikmanns Barein í viðureign þjóðanna í forkeppni ÓL í Granollers á Spáni í gær. Mynd/EPA
- Auglýsing -
  • Landslið Barein í handknattleik karla, undir stjórn Arons Kristjánssonar, tapaði með 12 marka mun fyrir spænska landsliðinu í fyrstu umferð riðils eitt í forkeppni Ólympíuleikanna í gær, 39:27. Leikurinn fór fram í Granollers á Spáni og var m.a. streymt á handbolti.is
  • Bareinar áttu erfitt uppdráttar í leiknum frá upphafi. Vegna leikbanna vantar nokkra leikmenn í landslið Bareina sem varð til þess að þyngja enn meira róðurinn í leiknum gegn sterkum Spánverjum sem vilja sanna sig eftir slakan árangur á EM í janúar. 
  • Bareinar mæta Brasilíumönnum í annarri umferð forkeppninnar í dag. Brasilía tapað naumlega fyrir Slóvenum í gærkvöld, 27:26.  Ekki verður leikið í hinum tveimur riðlum forkeppni Ólympíuleikanna í dag. 
  • Finnar og Litáar skildu jafnir, 20:20, í fyrri viðureign sinni í forkeppni fyrir umspil HM karla í vor. Leikið var í Finnlandi. Staðan var jöfn í hálfleik, 9:9. Síðari viðureignin fer fram á sunnudaginn í Litáen. Sigurliðið mætir Ungverjum í umspilsleikjum um HM sæti í fyrri hluta maí.
  • Egyptar unnu Japani, 37:30, á æfingamóti í handknattleik karla í Frakklandi í gærkvöld. Á sama móti lögðu Evrópumeistarar Frakka landslið Argentínu, 32:23.
  • Króatinn Ivano Balic er orðaður við starf landsliðsþjálfara Japans í handknattleik karla. Balic er einn besti handknattleiksmaður sögunnar. Japanska handknattleikssambandið leitar logandi ljósi að þjálfara eftir að Dagur Sigurðsson hætti í byrjun febrúar og tók við þjálfun króatíska karlalandsliðsins. Undir stjórn Dags vann japanska landsliðið sér sæti í handknattleikskeppni Ólympíuleikanna sem fram fara í sumar. 
  • Balic hefur aðeins fikrað sig áfram við þjálfun síðustu ár eftir að ferlinum sem leikmaður lauk og var m.a. um skeið aðstoðarþjálfari króatíska karlalandsliðsins. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -