- Auglýsing -
- Auglýsing -
- Auglýsing -

Molakaffi: Bjarki Már, lið umferðarinnar, Sveinn, Ólafur, Sveinbjörn

Bjarki Már Elísson leikmaður Telekom Veszprém í Ungverjalandi. Mynd/Telekom Veszprém
- Auglýsing -
  • Bjarki Már Elísson skoraði tvö mörk fyrir Telekom Veszprém þegar liðið vann CYEB-Budakalász, 43:30, í 21. umferð af 26 í ungversku 1. deildinni í handknattleik í gær. Telekom Veszprém er í efsta sæti sem fyrr með fullt hús stiga og virðist eiga deildarmeistaratitilinn vísan.
  • Bjarki Már er í liði umferðarinnar í Meistaradeild Evrópu eftir leikina í síðustu viku. Veszprém vann þá Pick Szeged öðru sinni í útsláttarkeppninni og tryggði sér sæti í átta liða úrslitum keppninnar. Myndskeið með tilþrifum þeirra sem eru í liði umferðarinnar er að finna hér fyrir neðan.
  • Sveinn Jóhannsson skoraði eitt mark og var einu sinni vikið af leikvelli þegar lið hans GWD Minden vann mikilvægt stig í botnbaráttu 2. deildar þýska handknattleiksins í gær. Minden gerði jafntefli við Dessau-Rosslauer HV 06, 35:35, í Dessau. GWD Minden færðist upp um eitt sæti, í það fimmtánda, með stiginu í gær og er sex stigum fyrir ofan TuS Vinnhorst sem er næst neðst. Tvö lið falla úr deildinni í lok keppnistímabilsins. 
  • Áfram syrtir í álinn hjá EHV Aue í botnbaráttu 2. deildar þýska handknattleiksins. Liðið tapaði með tíu marka mun í heimsókn til Elbflorenz í Dresden í gær, 39:29. Þar með situr liðið áfram á botninum með 10 stig eftir 26 leiki. Átta umferðir eru eftir. Tus Vinnhorst er næst fyrir ofan með 13 stig.  Tvö lið falla úr deildinni.
  • Sveinbjörn Pétursson varði eitt skot af 11 þann tíma sem hann stóð vaktina í marki EHF Aue-liðsins sem Ólafur Stefánsson hefur þjálfað síðan í nóvember.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -