- Auglýsing -
- Auglýsing -
- Auglýsing -

Molakaffi: Dagur, Tryggvi, Hannes, Grétar, Elvar, Ágúst

Dagur Gautason leikmaður ØIF Arendal. Mynd/Helge Olsen
- Auglýsing -
  • Dagur Gautason og félagar í ØIF Arendal töpuðu fyrir Elverum í fyrri viðureign liðanna í undanúrslitum norsku úrvalsdeildarinnar í handknattleik karla í gær, 36:35. Tobias Grøndahl skoraði sigurmark Elverum þremur sekúndum fyrir leikslok. Dagur Gautason skoraði fjögur mörk fyrir ØIF Arendal en félagið hans Mathias Larson skoraði 14 mörk. Næst mætast liðin í Arendal á þriðjudaginn.
  • Tryggvi Þórisson og leikmenn IK Sävehof er komnir með tvo vinninga í undanúrslitarimmunni við IFK Kristianstad eftir 31:25, sigur í Kristianstad í gær. Tryggvi skoraði eitt mark í leiknum. Liðin mætast í þriðja sinn í Partille á næsta föstudag. 
  • Hannes Jón Jónsson og liðsmenn Alpla Hard unnu Ferlach með 10 marka mun, 38:28, í fyrri viðureign liðanna í átta liða úrslitum úrslitakeppni austurrísku 1. deildarinnar í handknattleik. Leikið var á heimavelli deildarmeistaranna í Bregenz. Næst mætast liðin á heimavelli Ferlach á þriðjudaginn. 
  • Grétar Ari Guðjónsson varði 13 skot, 30%, þegar Sélestat vann Nancy, 40:32, í frönsku 2. deildinni á heimavelli í gærkvöld. Grétar stóð á milli stanganna hjá Sélestat allan leikinn að heita má. Fjórar umferðir eru eftir í deildinni og má telja víst að Sélestat verði með í umspili um sæti í 1. deild á næstu leiktíð. Tremblay er lang efst með 50 stig efti 26 leiki. Pontault er í öðru sæti, 14 stigum á eftir Tremblay.
  • Ribe-Esbjerg féll á fimmtudaginn úr leik í bikarkeppninni í Danmörku þegar liðið tapaði fyrir Grindsted GIF í framlengdum leik, 35:31. Elvar Ásgeirsson skoraði þrjú mörk fyrir Ribe-Esbjerg. Ágúst Elí Björgvinsson varði fjögur skot í markinu á þeim stutta tíma sem hann fékk að spreyta sig. Grindsted GIF vann 1. deild á dögunum og leikur í úrvalsdeildinni á næsta keppnistímabili.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -