- Auglýsing -
- Landsliðskonan Díana Dögg Magnúsdóttir hefur jafnað sig ágætlega af handarbroti sem hún varð fyrir í 27. janúar. Díana Dögg staðfesti við handbolta.is í gær að hún verði í leikmannahópi BSV Sachsen Zwickau í kvöld þegar liðið fær Thüringer HC í heimsókn í 18. umferð þýsku 1. deildarinnar í handknattleik. BSV Sachsen Zwickau er í 11. sæti af 14 liðum deildarinnar. Thüringer HC er í fjórða sæti.
- Fredrikstad Bkl. tapaði fyrir Larvik á heimavelli í norsku úrvalsdeildinni í handknattleik, 32:26. Elías Már Halldórsson er þjálfari Fredrikstad Bkl. sem hefur sannarlega gert það gott í á leiktíðinni, burt frá tapinu í gær. Fredrikstad Bkl. er í þriðja sæti deildarinnar. Stöðuna í norsku úrvalsdeildinni og í fleiri deildum evrópsks handknattleiks er að finna hér.
- Þorsteinn Gauti Hjálmarsson varð vegna meiðsla að draga sig út úr finnska landsliðinu sem mætir Litáen annað kvöld í undankeppni umspils heimsmeistaramótsins í handknattleik karla. Leikurinn fer fram í Vantaa í Finnlandi. Lið þjóðanna mætast öðru sinni í Alytus í Litáen á sunnudaginn. Sigurliðið mætir Ungverjum í umspili um HM sæti í maí.
- Gintaras Savukynas fyrrverandi leikmaður Aftureldingar og þjálfari og leikmaður fleiri liða hér á landi er landsliðsþjálfari Litáen um þessar mundir. Svíinn Ola Lindgren stýrir finnska landsliðinu
- Einnig mætast í forkeppni umspils heimsmeistaramótsins Belgar og Ítalir, Slóvakar og Ísraelsmenn, Eistlendingar og Úkraínumenn. Sigurlið síðastnefndu rimmunnar verður andstæðingur Íslands í umspilinu í vor.
- Í dag, 13. mars, eru 63 ár síðan íslenska karlalandsliðið í handknattleik hreppti 6. sæti á HM í Vestur-Þýskalandi undir stjórn Hallsteins Hinrikssonar. Hér fyrir neðan er hlekkur á grein sem tekin var saman um þátttökuna á mótinu og þá eftirvæntingu sem ríkti hér heima á meðan mótið fór fram.
- Auglýsing -