- Auglýsing -
- Díana Dögg Magnúsdóttir skoraði fjögur mörk og átti sex stoðsendingar þegar lið hennar, BSV Sachsen Zwickau tapaði naumlega, 34:32, fyrir Buxtehuder SV á heimavelli í gær í þýsku 1. deildinni í handknattleik. Einnig vann Díana Dögg eitt vítakast og stal boltanum einu sinni af andstæðingunum.
- Tvær umferðir eru eftir í þýsku 1. deildinni í handknattleik. BSV Sachsen Zwickau situr í 10. sæti af 14 liðum með 12 stig eftir 24 leiki.
- TuS Metzingen, sem Sandra Erlingsdóttir er samningsbundin, er í sjötta sæti deildarinnar, fjórum stigum á eftir Blomberg-Lippe sem Andrea Jacobsen og Díana Dögg Magnúsdóttir leika með á næstu leiktíð.
- Bietigheim hefur þegar tryggt sér þýska meistaratitilinn í handknattleik kvenna þótt liðið eiga þrjá leiki eftir.
- Dagur Sigurðsson stýrði karlalandsliði Króatíu til sigurs á landsliði Argentínu, 20:19, á alþjóðlegu móti í handknattleik í Arendal í Noregi í gær. Á sama móti skildu Norðmenn og Danir jafnir, 36:36.
- Lokaumferð mótsins í Arendal fer fram í dag. Króatar mæta Dönum og Norðmenn leika við argentínska landsliðið.
- Auglýsing -
